Sitt żgħażagħ Maltin gradwaw mill-iskola tal-Kadetti fil-Curragh, l-Irlanda, jiġifieri issa huma lesti biex jingħaqdu mal-Forzi Armati Maltin.
Wieħed minn dawn il-Kadetti saħansitra ngħata l-premju tal-Best International Student mill-uffiċjali kadetti fil-kulleġġ militari fl-Irlanda.
Fuq il-paġna ta’ facebook tiegħu, l-Ministru għall-Intern Carmelo Abela stqarr li pajjiżna huwa grat lejn ir-Repubblika tal-Irlanda għall-opportunitajiet ta’ taħriġ lis-suldati żgħażagħ tagħna.
Dawn iż-żgħażagħ se jibdew iservu lil pajjiż hekk kif il-pass li jmiss huwa li jingħaqdu mas-suldati Maltin biex anke huma jaħdmu għas-sigurtá ta’ kull wieħed u waħda minnha.
