Ajruplan li jappartjeni lill-Ministeru għad-difiża Russu waqa’ f’Yakutia, is-Siberja. Abbord kien hemm 39 persuna. Il-Ministru għad-difiża qal li sittax-il persuna ndarbu gravi.
Ftit wara li qal hekk, rapporti qed jgħidu li 27 persuna tilfu ħajjithom. Fost dawk abbord kien hemm 32 passiġġier u seba’ membri tal-ekwipaġġ.
Jidher li fil-mument li l-ajruplan waqa il-kundizzjonijiet tat-temp kienu ħżiena ferm. L-ajruplan inqasam fi tlett biċċiet f’dak li qed ikun deskritt bħala inżul t’emerġenza. Tlett ħelikopters mill-Ministeru għall-Emerġenza Russu ntbagħtu fuq il-post.
