Il-Ġimgħa filgħaxija fil-Pjazza tax-Xagħra Għawdex ittella’ l-kunċert mużikali Sempre Vivo, Dejjem Ħaj.
Dan il-kunċert, organizzat mill-grupp ‘Il-Karus l-Aħmar’, fakkar il-memorja taż-żagħżugħ Għawdxi Geordie Muscat li tilef il-battalja mal-mard is-sena l-oħra.
REKLAM
SKROLLJA BIEX TKOMPLI
Il-Pjazza tax-Xagħra lbieraħ kienet mimliha nies li attendew għal dan il-kunċert, fejn ukoll taw il-kontribut tagħhom fil-karus l-aħmar.
Is-somma hija dik ta’ €36,190.90 u l-flus kollha sejrin għal Puttinu Cares.
Is-Sibt filgħodu, fil-preżenza tal-Ministru għal Għawdex Clint Camilleri, ġiet preżentata din is-somma lir-rappreżentant ta’ Puttinu Cares.
