Ir-raba’ edizzjoni tal-iStart Up Festival Malta, se ssir fis-17 u t-18 ta’ Ottubru 2024 fil-Malta Fairs and Conventions Centre (MFCC) u l-park ta’ maġenbu Ta’ Qali, Malta.
Filwaqt li jibni fuq is-suċċess ta’ dawn l-aħħar tliet snin, il-festival ta’ din is-sena ser jkun akbar, u aktar innovattiv. Il-Festival malajr sar pedament tal-ekosistema nazzjonali ta’ Malta għall-istartups, u jkompli jattira b’mod konsistenti talent intraprenditorjali kemm mis-swieq lokali kif ukoll internazzjonali.
L-avveniment din is-sena ser jkun qed jikber billi jingħaqad flimkien ma’ Techxpo. Techxpo ser jkun żieda ġdida ma’ Startup Festival Malta u ser joffri numru ta’ esperjenzi relatati mat-teknoloġija u l-innovazzjoni industrijali f’ żona dedikata.
Ir-reġistrazzjonijiet għall-iStart Up Festival issa huma miftuħa! L-intraprendituri, l-investituri, u dawk li jagħmlu parti mill-ekosistema tal-istartups huma mistiedna jingħaqdu flimkien għall aktar innovazzjoni, u biex jkomplu jispiraw ruħhom għal dak li jwiegħed li se jkun wieħed mill-akbar avveniment intraprenditorjali tas-sena.
Wieħed jista’ jirreġistra fuq https://startupfestivalmalta.com/sufm24-registration/
