Dawk l-istudenti li jixtiequ japplikaw għat-tieni sessjoni ta’ eżamijiet tal-Matsec li se ssir f’Settembru jistgħu jagħmlu dan billi japplikaw fuq din il-link. L-applikazzjonijiet fetħu llum, 20 ta’ Lulju, u jagħlqu fis-27 ta’ Lulju.
Dawn is-sessjonijiet huma miftuħa għal dawk l-istudenti li poġġew għall-eżamijiet diġà u ma ġabux il-marki mixtieqa kif ukoll għal dawk li se jpoġġu għal dawn l-eżamijiet għall-ewwel darba. F’dan il-perjodu wieħed jista’ japplika ukoll għar-reviżjoni tal-karta.
Il-kandidati li ma jistgħux iħallsu onlajn jistgħu jagħmlu dan f’Hall E Gateway Building tal-Università ta’ Malta jew fiċ-ċentru tal-eżamijiet fil-Victoria, Għawdex bejn it-8.30 u l-11.30 fil-25, 26 u 27 ta’ Lulju.
