Jiem ta’ luttu wara li attakk terroristiku ħalla mas-70 persuna mejta fin-Niġer

In-Niġer iddikjara jumejn ta’ luttu nazzjonali mil-lum, wara li minn tal-inqas 69 persuna ntqatlu f’attakk minn persuni maħsuba li jappartjenu fi gruppi ribelli Iżlamiċi.

L-attakk seħħ nhar it-Tlieta li għadda qrib il-fruntiera mal-Mali.

Bħalissa għaddejja tfittxija għall-persuni li setgħu salvaw minn dan l-attakk barbaru.

S’issa l-ebda grupp għadu ma ddikjara li huwa responsabbli ta’ dan l-attakk terroristiku.