Raġel mgħammad u armat b’sikkina daħal f’ħanut tas-souveniers f’San Ġiljan u seraq ammont ta’ flus kontanti.
Il-każ seħħ għall-ħabta tas-14:00 fi fi Triq Paceville meta r-raġel mgħammad daħal fil-ħanut u talab il-flus lill-kaxxiera, mara ta’ 48 sena, residenti Marsaskala.
Ir-raġel ħarab minn fuq il-post wara li seraq ammont ta’ flus kontanti.
L-investigazzjonijiet mill-Għassa ta’ San Ġiljan għadhom għaddejjin.
