Jidħol f’fażi interessanti l-kampjonat tal-Federazzjoni Boċċi hekk kif din il-ġimgħa kompla l-logħob tal-ewwel fażi.
It-timijiet ta’ Msida u Żebbuġ baqgħu bil-mixja pożittiva tagħhom u żammew l-ewwel post tal-klassifika b’vantaġġ ta’ żewġ punti fuq Għaxaq. It-tnejn li huma jinsabu pass bogħod biex jaghmluwha għall-play offs.
Msida rebħu konfront dirett ma’ Għaxaq bl-iskor ta’ 21 għal 12. Min-naħa tagħhom Żebbug rebħu lil Żurrieq 21 b’6.
F’riżultati oħra:
Buġibba 21-11 Lija
St Peter’s Żabbar 16-21 Marsamxett
Żabbar u Qormi San Bastjan ringħataw rebħa ta’ 21-0 rispettivament kontra Isla u Paola Schreiber.
Klassifika 1 Diviżjoni
Żebbuġ 14
Msida 14
Għaxaq 12
Buġibba 11
Qormi SB 10
St Peter’s 9
Żurrieq 8
Lija 7
Marsamxett 5
Żabbar 5
Isla 0
Paola S. 0
Intant komplew ukoll il-kampjonati tat-tieni u t-tielet diviżjoni.
Fit-tieni diviżjoni Birgu u Birkirkara komplew bir-rebħ u baqgħu jokkupaw l-ewwel post tal-klassifika. Iż-żewġ timijiet jonqoshom punt biex jaċċertaw posthom mill-play offs. Birgu barra minn darhom għelbu lil Tarxien bl-iskor ta’ 21għal 13. Min-naħa tagħhom Birkirkara f’darhom rebħu lil Żejtun bl-iskor ta’ 21 għal 7.
F’rizultati oħra:
Bormla 21-10 Mosta
Birżebbuġa 21-17 Sta Lucia
Thalassalejn 11-21 Sta. Venera
Floriana 21-9 Cospicua Rangers
Fit-tielet diviżjoni Luqa telgħu waħedhom fl-ewwel post tal-klassifika grazzi għal rebħa ta’ 21 għal 1 kontra t-team fit-tieni post Kalkara.
B’hekk Luqa għandhom total ta’ 15-il punt, punt aktar mill-istess Kalkara. Iż-żewġ timijiet huma ċerti mill-play offs.
F’riżultati oħra:
Fgura 21-2 Valletta St Paul
Pieta’ 13-21 Qormi San Ġorġ
Qrendi 21-1 Ħamrun 21-1
San Ġwann 21-5 Marsaskala
