Etienne Farrugia ta’ 45 sena minn Ħaż-Żebbuġ inżamm arrestat wara li dalgħodu tressaq il-Qorti mixli fuq pussess aggravat ta’ droga.
REKLAM
SKROLLJA BIEX TKOMPLI
Il-pulizija arrestat lil Farrugia il-Ġimgħa li għadda wara li rċeviet rapport fuq suspett ta’ traffikar tad-droga.
Huwa twaqqaf mill-pulizija waqt li kien qiegħed isuq f’Ħal Għaxaq.
Intqal li fil-karozza instabu madwar 500 gramma ta’ sustanza suspettata kannabis u ftit sustanza suspettata kokaina.
Il-Maġistrat Elaine Mercieca ċaħdet it-talba għall-ħelsien mill-arrest wara li semgħet li l-akkużat għandu kawża oħra pendenti dwar każ simili li seħħ fl-2009.
