Persuni li mit-8 ta’ Ġunju se jaslu r-Renju Unit se jkunu marbuta bi kwarantina ta’ 14-il jum. Il-Prim Ministru Ingliż Boris Johnson qal li din il-miżura hija kruċjali biex il-Covid-19 ma terġax tinfirex b’rata mgħaġġla fil-pajjiż. Fl-istess ħin qal li mill-aħħar ta’ dan ix-xahar, kull min jagħmel test għal dan il-virus se jkun jaf ir-riżultat fi żmien 24 siegħa.
Fl-Italja wkoll se jkunu rilaxxati aktar miżuri, partikolarment dawk marbuta mal-ivvjaġġar domestiku. Persuni li se jaslu l-Italja mill-maġġoranza tal-pajjiżi Ewropej filfatt mhux se jkunu mitluba jsegwu kwarantina.
