Beda x-xogħol sabiex tkun irriġenerata l-pjazza tal-Munxar f’Għawdex b’investiment ta’ €700,000.
Dan tħabbar waqt żjara li għamel il-Ministru għal Għawdex Clint Camilleri fl-istess pjazza, fejn spjega li l-proġett se jsir permezz ta’ ftehim li sar mal-Kunsill Lokali tal-istess lokalità.
B’investiment mill-Gvern, se jinbena ġibjun għall-ilqugħ tal-ilma, isir pavimentar ġdid, tiġi installata sistema ġdida ta’ dawl effiċjenti u sistema ġdida ta’ irrigazzjoni, u se jitħawlu siġar indiġeni.
B’hekk il-pjazza mhux biss se tingħata dehra ġdida iżda se żżid l-aċċessibilità biex tkun tista’ titgawda minn kulħadd.
Is-Sindku tal-Munxar Damien Spiteri, innota kif permezz ta’ dan l-investiment, din il-lokalità ser ikollha l-pjazza li tixirqilha.
