Il-paġna uffiċjali tal-X Factor Malta fuq Facebook ħabbret li llum l-Maltin għandhom iċ-ċans jibdew jsemmgħu t-talent tagħhom tal-kant quddiem il-produtturi tal-programm. Dan hekk kif tul il-jum tas-Sibt se jkun hemm żewġ booths fejn ser ikunu qed isiru l-ewwel auditions għall-programm.
L-auditions tul il-jum tas-Sibt ser ikunu qed isiru ġol-istabiliment tal-PAVI u fil-Belt Valletta quddiem il-Parlament bejn id-9.00 u 12.00.
Il-kompetizzjoni ta’ ‘X Factor Malta’ se tkun qed tixxandar fuq l-istazzjon nazzjonali u se tkun qed tara r-rebbieħ jingħata kuntratt mal-kumpanija SONY.
SONY Music għandha artisti ta’ fama mondjali affilijati magħha fosthom Justin Timberlake, Cabilla Cabello u DJ Khaled.
