Il-musical Jesus Christ Supertar jibqa’ dejjem sinonimu mal-Belt Vittoriosa, hekk kif minn ġenerazzjoni għall-oħra dejjem rajna verżjoni tal-din ir-rappreżentazzjoni fil-lokal. Din is-sena, id-direzzjoni ħa tkun f’idejn “This is Us Productions”, filwaqt li l-produzzjoni se tkun f’idejn is-Sezzjoni Żgħażagħ Palmiżi Birgu b’kollaborazzjoni mal-Kunsill Lokali tal-Birgu, fejn nhar il-Ħamis ix-Xirka filgħaxija, kif ukoll fil-Ġimgħa l-Kbira filgħodu ser isiru highlights min dan il-musical ferm popolari.
Il-musical, kapulavur ieħor ta’ Andrew Lloyd Webber u Tim Rice, jiffoka fuq l-aħħar ġranet ta’ Ġesù mill-verżjoni ta’ wieħed mill-aktar ħbieb qrib tiegħu, Ġuda. Fil-‘musical’, wieħed jispiċċa jesplora l-inkwiet li Ġuda ħass għal Ġesù minħabba l-popolarità li kien qed jikseb. Wieħed jista’ jara wkoll bixra differenti ta’ Ġesù, hekk kif jidher li jkun qed isibha diffiċli jikkumbatti l-emozzjonijiet tiegħu waqt avvenimenti differenti li jiltaqa’ magħhom.
Produzzjoni enerġetika li din is-sena hija taħt id-direzzjoni ta’ Roderick Castillo bl-għajnuna ta’ Adam Callus. Din il-produzzjoni li kellha titella f’Couvre Porte, issa minħabba riħ qawwi previst ser tkun qed titella’ ġewwa s-Sala Prinċipali tal-Birgu propju fil-Pjazza tal-Belt Vittoriosa. L-Ispettaklu l-Ħamis jibda fis-6:30pm u il-Ġimgħa fid-9:30am. Ikun hemm produzzjoni kull 45 minuta.
Għal aktar informazzjoni żur https://www.facebook.com/zghazaghbirgu
