Kien proprju l-Ġimgħa filgħaxija meta l-kok famuż mondjali, Jamie Oliver, reġa’ ta l-ħajja filmat li ttieħed lura fl-2014, fejn tellgħu fuq il-paġna uffiċjali ttiegħu ta’ Facebook tal-kok Taljan ħabib tiegħu, Gennaro Contaldo jsajjar pizza fil-gżira Għawdxija.
Fil-filmat Gennaro jispjega kif biex jiċċelebra s-sbuħija li toffri Għawdex, hu se jkun qed isajjar pizza Margherita u fejn minn hemm jispjegalek x’għandek tagħmel.
Għalkemm Għawdex tissemma biss fil-bidu u l-filmat ittella inizjalment fuq Youtube fl-2014, dan il-filmat xorta jista’ jitqies bħala reklam mhux mistenni. Dan hekk kif il-paġna ta’ Jamie Oliver għandha aktar minn sitt miljun segwaċi, bil-filmat intwera kważi żewġ miljuni u ntgħoġob aktar minn 35,000 darba.
