Fi tmiem il-ġimgħa li ġej se tittella’ xow bi qtates fuq livell internazzjonali bi tliet ġurija mill-Amerka, mill-Belġju u mill-Ġermanja.
Taħt saqaf wieħed se jkun hemm razez ta’ qtates tat-tip persjani, bengals, exotic short hair, british long hair, british short hair, maine coons, sphynx, himalayans, siamese u donskoy.
Ma’ dawn, għall-ewwel darba f’Malta, se jkun hawn ukoll qattus tar-razza Toyger minn esebitur Franċiż li ġej speċifikament għal din il-wirja.
Ma’ dawn ir-razez puri se jkun hemm ukoll qtates domestiċi mingħajr pedigree li xorta se jikkompetu f’kategorija oħra.
Din il-wirja se tittella’ b’kollaborazzjoni ma’ The Malta Rabbit Club, li se jkunu bil-fniek tatgħhom u petting area li se sservi ta’ attrazzjoni għat-tfal.
Kulħadd huwa mistieden iżur din ix-xow, li se tittella’ f’be.Hotel f’Baystreet San Ġiljan: is-Sibt bejn is-13:00 u l-17:00 u l-Ħadd bejn l-10:00 u l-17:00. Id-dħul huwa b’xejn.
