Mijiet irreġistraw għal ġirja li għaddejja bħalissa bl-isem ta’ ‘Run to the rhythm’, li hija t-tielet attivitá matul ix-xahar ta’ Ottubru, magħruf bħala Pink October. Ir-rotta tal-ġirja li bdiet minn Baystreet se tieħu l-parteċipatni sal-Gżira, akkumpanjati bil-mużika, bl-għan li jagħmlu kuraġġ u jaslu sal-aħħar.
Mart il-Prim Ministru Michelle Muscat fetħet din il-ġirja bl-appell ċar, li jeħtieġ li titqajjem kuxjenza minn etá żgħira dwar il-kanċer tas-sider. Hija fakkret li l-prevenzjoni hija aqwa mill-kura u li l-għarfien għandu jibqa’ għaddej is-sena kollha u mhux biss matul ix-xahar ta’ Ottubru.
