Jasal lura Malta l-kuntistabbli li ġie t-tieni f’kompetizzjoni tal-pulizija fiċ-Ċina

Wasal lura bl-unuri, il-kuntistabbli tal-pulizija Andrew Grech, li ftit tal-jiem ilu ġie t-tieni f’kompetizzjoni mondjali tal-Pulizija f’Chendu ċ-Ċina.

Apparti lill-familja tiegħu, il-kuntistabbli sab jilqgħuh fl-Ajruport Internazzjonali ta’ Malta, lill-Kummissarju tal-Pulizija Lawrence Cutajar u lis-Sur Reno Calleja, li hu magħruf għall-kontribut li ta fit-tisħiħ tar-relazzjonijiet bejn Malta u ċ-Ċina.