Jasal il-President tal-Kroazja f’pajjiżna għal Żjara Statali ta’ jumejn

Illejla wasal f’pajjiżna l-President tal-Kroazja Zoran Milanović għal Żjara Statali ta’ jumejn f’pajjiżna.

Huwa ġie milqugħ fl-Ajruport Internazzjonali ta’ Malta, mill-Ministru għal Għawdex, Clint Camilleri.

L-impenji tal-President Kroat se jibdew it-Tnejn filgħodu b’laqgħa mal-President ta’ Malta, fil-Palazz tal-President fil-Belt.