Albert Gambina u Dorian Vassallo jinsabu fi triqithom lejn Malta, hekk kif qed jaqdfu bil-kayak madwar Sqallija u se jaqdfu lura lejn pajjiżna.
Huma qed jagħmlu din il-qadfa għall-karità b’risq l-Inspire Malta u s’issa ġabru €17,000.
Gambina u Vassallo bdew din l-avventura lura fil-25 ta’ Lulju li għadda fil-5 ta’ filgħodu u s’issa għamlu vjaġġ ta’ iżjed minn 1,020 kilometru.
Matul il-vjaġġ tagħhom sabu diversi sfidi, fosthom it-temp, hekk kif kien jiem fejn sabu l-kurrent kontrihom u anke r-riħ.
