In-numru ta’ Palestinjani li nqatlu f’Gaza minn meta bdiet il-gwerra fis-sebgħa t’Ottubru li għadda, issa qabeż it-tletin elf.
Dawn huma aktar minn wieħed fil-mija tal-popolazzjoni ta’ tnejn punt tliet miljun persuna fit-territorju.
REKLAM
SKROLLJA BIEX TKOMPLI
Il-Ministeru tas-Saħħa qal li l-maġġoranza tal-vittmi huma nisa u tfal.
Fl-aġġornament ta’ kuljum, il-Ministeru qal li fl-aħħar erbgħa u għoxrin siegħa nqatlu aktar minn tmenin ruħ oħra, biex b’kollox, mietu tletin elf u ħamsa u tletin persuna minn meta bdiet il-gwerra.
Aktarx li n-numru ta’ vittmi huwa saħansitra ogħla hekk kif dawn ma jinkludux in-nies li mietu barra l-isptarijiet, flimkien ma’ eluf oħra li ntilfu taħt tifrik ta’ bini li ġġarraf fl-attakki mill-ajru minn Iżrael.
