Fern hi qattusa li kważi għaxart ijiem ilu b’xi mod irnexxiela taħrab mingħand sidtha u sabet ruħha fit-toroq tal-Mellieħa, fiż-żona ta’ Santa Maria Estate.
Għal dawn il-jiem kollha, sidtha għamlet dak kollu li setgħet biex tfittex lil Fern f’kull rokna li setgħet taħseb fiha u tara fejn anke waħħlet għadd ta’ karti fiż-żona b’wiċċ Fern.
Fern hi qattusa ta’ ġewwa u peress li ma tarax hekk kif hi għamja kompletament, sidtha tinsab inkwetata ferm dwar fejn jaf spiċċat il-qattusa tant maħbuba tagħha.
Għalekk qed tappella lill-pubbliku, b’mod partikolari dawk li jgħixu fiż-żona, biex iżommu għajnejhom miftuħin u jinfurmawha jekk jarawha għaddejja minn xi triq fiż-żona tal-Mellieħa.
Kull min għandu xi informazzjoni jista’ jċempel fuq 99808618, 99270864 jew 99497575.
