Il-kantant u preżentatur popolari JANVIL se jirritorna fuq ONE wara bosta snin. Wara s-suċċess fil-Malta Eurovision Song Contest bil-kanzunetta ‘You’ fl-2005, forsi uħud jiftakaru lil JANVIL jippreżenta l-programm divertenti ”Happy Days” li madwar sbatax-il sena ilu kien jixxandar fuq l-istazzjon ONE. Tul dan iż-żmien, il-kantant u preżentatur involva ruħu f’diversi programmi oħra, anke fuq stazzjonijiet diversi.
”Wara nuqqas ta’ 3 snin mill-involviment tiegħi f’xi programm televiżiv, ninsab eċitat immens li se nerġa’ nibda nidher fuq ONE mill-iskeda li jmiss. ONE kien l-istazzjon li miegħu bdejt il-karriera tiegħi bħala żeffien. Ħerqan immens li se nkun lura f’dan l-istazzjon li se jagħtini l-opportunita’ li nżomm kuntatt mas-segwaċi. Grat lejn l-istazzjon ONE li għal darb’oħra kellu fiduċja fija u offirli din l-opportunita’ li nirritorna fil-preżentazzjoni”
JANVILREKLAMSKROLLJA BIEX TKOMPLI
Fl-aħħar jiem, JANVIL beda bil-preparamenti sabiex mill-iskeda tal-Ħarifa jingħaqad mill-ġdid mal-familja ta’ ONE, għal programm ġdid li se jwasslu biex ikun f’kuntatt dirett mas-segwaċi ta’ ONE.
L-iskeda tal-Ħarifa ta’ ONE tibda t-Tnejn 30 ta’ Settembru, b’taħlita ta’ programmi li se jżommu kumpanija lis-segwaċi matul il-ġurnata kollha.
