Jake jappella lill-pubbliku biex jgħinu jikser ir-rekord ta’ sena ilu

Jake Vella qed jappella lill-pubbliku biex jgħinu jikser ir-rekord tas-sena l-oħra.

Dan hekk kif minkejja li bħalissa jinsab fl-Isptar Mater Dei, Jake xorta waħda jinsab attiv jgħin lill-annimali li jinsabu fil-bżonn.

Kien għalhekk li kien tela’ bl-inizjattiva li jiġbor l-ikel għall-annimali abbandunati mill-isptar stess fi żmien il-Milied.

Din is-sena Jake jixtieq jikser ir-rekord tas-sena li għaddiet u għalhekk qed jappella lil kulħadd biex jekk jista’ jiġi jpoġġi d-donazzjoni tiegħu, f’forma ta’ ikel għall-annimali, taħt is-siġra tal-Milied li tinsab fl-Isptar Mater Dei.

Kull min hu interessat għandu ċans sas-26 ta’ Diċembru biex iwassal id-donazzjoni tiegħu.