L-atleta ta’ għaxar snin minn Team Noel, Jake Azzopardi lesta b’suċċess Master Class tal- WBC Muay Thai f’Verona. Jake Azzopardi kien l-iżgħar atleta li rrappreżenta lil Malta u temm b’suċċess il-Master Class prestiġjuż ta WBC Muay Thai f’Verona.
Huwa kellu l-opportunità jitħarreġ taħt l-għajnejn tal-istilel tal-Muay Thai Nong O Yodsanklai u Sitthitchai, fejn akkwista esperjenza imprezzabbli.
Bħala l-iżgħar atleta minn Malta u wieħed mill-ftit atleti żgħar preżenti min madwar diversi pajjiżi, din kienet esperjenza straordinarja.
Jake ilu jitharreg dan l-sport ma’ Team Noel Malta taħt il-kappa ta’ Master Noel Mercieca min meta kellu biss ħames snin u preżentament huwa fil livell ta Brown belt.
Huwa ikompetta f’diversi avvenimenti kemm f’Malta kif ukoll barra min Malta fosthom l-Irlanda u l-Ġermanja.
Issa, Jake qed jiffoka fuq il-preparazzjonijiet għall-Kampjonat tad-Dinja tal-ISKA li se jsiru f’Vjenna il-ġimgħa d-dieħla, fejn se jikkompeti bhala l iżghar atleta malti u jirappreżenta lill- pajjiżna fil-kategorija tal-K1 taħt il-40kg.
