Ilbieraħ, għall-ħabta ta’ nofsillejl neqsin kwart, il-Pulizija ġiet infurmata li seħħet serqa minn ħanut fi Triq J. Quintinus, San Pawl il-Baħar.
Il-Pulizija marret fuq il-post fejn minn stħarriġ preliminari rriżulta li żewġt irġiel mgħammda u armati b’sikkina, daħlu fil-ħanut u talbu lill-kaxxiera tgħaddilom il-flus. L-allegati ħallelin ħarbu minn fuq il-post b’ammont ta’ flus kontanti.
REKLAM
SKROLLJA BIEX TKOMPLI
Il-kaxxiera kif ukoll żewġ persuni li kienu fil-ħanut waqt is-serqa ma’ sofrew l-ebda ġrieħi. Il-Maġistrat tal-Għassa Dr Nadine Lia ġiet infurmata bil-każ u ħatret inkjesta filwaqt li l-investigazzjonijiet għadhom għaddejjin.
