Wara li l-familja Chesyane għaddew minn esperjenza diffiċli fix-xahar ta’ Diċembru, Paul Chesnaye ddeċieda li jipprova jferraħ lit-tifla tiegħu Lucy billi joħloq riġali żgħar għall-iskwirils li jiġu jżuru l-ġardina tagħhom.
Il-familja li tgħix Londra ta’ sikwiet izuruha l-iskwirils u mhux l-ewwel darba li jagħtuhom x’jieklu. “Kellhom karawett, ġewż, lewż, imsomma ftit minn kollox. Kellhom għażla vasta allura kien rigal speċjali tal-Milied,” qal il-missier Paul Chesnaye.
Lucy ippubblikat ir-ritratt tal-iskwirils jiftħu r-rigali fuq Twitter, u dawn marru virali. “Vera sibtha tad-daħq u lanqas biss qatt stennejt li se jkun hemm ħafna nies li jarawhom,” qalet Lucy.
Missierha żied jgħid li r-reazzjoni tal-komunità fuq l-internet sebħitilhom il-Milied ftit aktar.
