Ir-rappreżentanti ta’ Mick Jagger qalu li l-leġenda tal-mużika rock qed jistenna t-tmien wild. Dan jikkonferma dak irrappurtat mill-magazine People, jiġifieri li t-tfajla tiegħu, Melanie Hamrick, ta’ 29, hija tqila.
Il-kantant tar-Rolling Stone, Jagger ta’ 72 sena, għandu sebat itfal – Georgia, James, Jade, Elizabeth, Lucas, Karis u Gabriel. L-etajiet tagħhom ivarjaw bejn il-45 u 17-il sena. Huwa nannu ta’ tnejn.
F’Mejju li għadda, kollega tiegħu fir-Rolling Stone, Ronnie Wood, sar mill-ġdid missier fl-età ta’ 68 sena wara li martu, Sally Humphreys, welldet tewmin.
