Laika, kelba tar-razza Chow Chow spiċċat abbandunata f’santwarju tal-annimali mis-sidien tagħha wara li ma riduhiex għax mardet.
Ritratti li tpoġġew mis-santwarju; Assoċjazzjoni għal Annimali Abbandunati, AAA, juru f’liema stat tħalliet il-kelba b’ġerħa infettata f’wiċċha, infezzjoni fil-ġilda tant li qed iġġiegħel lill-kelba tħokk. Sostnew li l-kelba għandha wkoll kundizzjoni tissejjaħ, entropion, kundizzjoni li hi assoċjata ma’ din ir-razza li taffettwa l-għajnejn.
L-AAA spjegaw li huma jinsabu xxukjati bl-istat ta’ din il-kelb fejn kif waslet għandhom huma ħaduha mill-ewwel għand il-veterinarju biex tirċievi l-kura neċessarja.
Sostnew li wara li jgħaddu ftit jiem u l-ġilda tkun marret għall-aħjar, se jkunu qed ineħħulha l-pil kollu fil-postijiet li għandha l-infezzjoni u dan għax bħalissa Laika tinsab f’agonija.
Temmew billi qalu li ma jifilħux jaraw iktar każijiet ta’ dawn it-tip, każijiet ta’ negliġenza.
Kull min jixtieq jagħti donazzjoni jista’ biex jgħin lil Laika billi jibgħat donazzjoni permezz ta’ Paypal:
https://www.paypal.me/aaamalta
jew billi jibgħat sms fuq:
50617350 €2.33
50618060 €4.66
50618910 €6.99
50619200 €11.66
