Funeral mhux tas-soltu li sar permezz ta’ karru antik tal-mejtin li għandu mal-150 sena llum intuża għall-funeral ta’ Karmenu Ellul, magħruf aktar bħala Tal-Balay.
Karmenu sfortunatament tilef ħajtu s-Sibt li għadda wara li ntlaqat minn vettura waqt li kien qed jaqsam it-triq f’Aldo Moro fil-Marsa.
Dan il-karru speċjali jintuża madwar 25 darba fis-sena, iżda dan il-funeral kien wieħed uniku.
Dan għaliex il-karru kien akkumpanjat minn tmien karozzini oħra li ġarrew lill-qraba ta’ Karmenu, biex ifakkru fil-memorja tiegħu u l-imħabba li kellu għaż-żwiemel.
