“Splużjoni inkredibbli” – hekk kien deskritt il-logħob tan-nar taż-Żurrieq fuq ġurnal ewlieni Ingliż.
Dak li qed jirreferu għalih ġara madwar xaharejn ilu, meta d-dilettanti tan-nar għamlu dak li jissejjaħ ballun tal-blalen, li sploda u dawwal is-smewwiet tan-nofsinhar ta’ Malta.
Il-ballun, li jiżen 260kg, kien wiesa 2.97metru u nħoloq minn Manwel Gauci mill-kamra tan-nar Santa Katarina Verġni u Martri.
Fl-artiklu l-ġurnal Ingliż jgħid li f’pajjiżna wkoll saret dik li tissejjaħ l-ikbar raddiena fid-dinja. B’diametru ta’ 104 pied, din inħademet mill-grupp tan-nar Madonna tal-Ġilju tal-Imqabba.
