Iż-Żona tal-Kunċerti f’Ta’ Qali fl-aqwa tagħha waqt il-kunċert ta’ Liam Gallagher

Fi tmiem il-ġimgħa, iż-Żona tal-Kunerti f’Ta’ Qali kienet mitgawda minn eluf ta’ turisti u Maltin, waqt il-kunċert tal-kantant Brittaniku, Liam Gallagher.

Dan ġie nnotat mis-Segretarju Parlamentari għax-Xogħlijiet Pubbliċi Omar Farrugia, f’kitba fuq il-midja soċjali.

Is-Segretarju Parlamentari Farrugia sostna li hu ta’ sodisfazzjon li jara tant nies jiddevertu u jgawdu mill-ħidma li twettqet mid-Dipartiment tax-Xogħlijiet Pubbliċi f’din iż-żona, flimkien mal-ħaddiema tal-Park Nazzjonali f’Ta’ Qali.

Din iż-Żona tal-Kunċerti nfetħet f’Mejju li għadda u hija parti mill-proġett massiċċ tal-Park Nazzjonali f’Ta’ Qali, li hu wieħed mill-akbar spazji miftuħa f’pajjiżna.