Iż-żagħżugħ ta’ sittax-il sena li lbieraħ qabeż il-grawnd waqt il-logħba Malta Ingilterra kien immultat €200 u kien sospiż għal sena milli jidħol f’kumpless sportiv f’Malta.
Iż-żagħżugħ, li ismu ma jistax jixxandar għax taħt l-età maġġoreni, għamel sfida fuq twitter li mal-400 retweet jaqbeż fil-grawnd. U hekk għamel.
Qabeż fil-grawnd, għannaq żewġ plejers, xejjer il-flokk waqt li neżgħu u ta ġirja lill-pulizija sakemm qabduh.
