Olandiż ta’ 21 sena iweġġa’ gravi wara li ttajjar fil-Gżira.
L-inċident seħħ ilbieraħ għall-ħabta tas-sebgħa fi Triq Rue D’Argens.
REKLAM
SKROLLJA BIEX TKOMPLI
Il-Pulizija marret immedjatament fuq il-post u mill-ewwel investigazzjonijiet irriżulta li l-vittma ttajjar minn karozza tal-għamla Toyota Corolla li kienet qed tinstaq minn Sirjan ta’ 28 sena li joqgħod Ħaż-Żebbuġ.
Il-vittma ngħata l-ewwel għajnuna minn tim mediku u wara ttieħed l-isptar Mater Dei għal aktar kura.
Il-Pulizija għaddejja bl-investigazzjonijiet fuq il-każ.
