Ivan Bartolo jikkunsidra l-kariga ta’ Kap tal-PN

Ivan Bartolo qal li qed jikkunsidra l-kariga ta’ Kap tal-Partit Nazzjonalista dan minkejja li wara l-elezzjoni qal:  “Il-karriera qasira tiegħi fil-politika intemmet illum. L-eżekuttiv tal-PN iddeċieda li jżomm magħluq id-disa’ distrett” fuq il-profil tiegħu.

Għalhekk, Bartolo tilef iċ-ċans li jiġi elett hekk kif il-Partit Nazzjonalista ddeċieda li Marthese Portelli ċċedi t-13-il distrett u jżomm magħluq id-disa’ wieħed.

Fil-kummenti tiegħu ma’ Newsbook, Bartolo qal li minkejja li qed jikkunsidra l-kariga ta’ Kap tal-PN jemmen li hemm kurrenti fi ħdan il-PN li se jaħdmu kontra xi ħadd bħalu.

Iżda l-ikbar inkwiet ta’ Bartolo hu “kemm il-kollettiv tal-Partit Nazzjonalista huwa preparat għall-bidla.”