Fi stqarrija mill-Ewroparlamentari Laburista, Cyrus Engerer intqal kif it-tobba kontra l-għażla qed jagħżlu kampanja ta’ biża’ intiża biss biex tqarraq bl-emozzjonijiet tan-nies.
Engerer sostna li “l-ġlieda tagħna favur id-drittijiet tal-persuni kollha b’diżabilità kienet u tibqa’ l-prijorità tagħna. Ir-riżultati, inklużi dawk fil-kapaċità tiegħi ta’ negozjatur tas-Soċjalisti fuq il-European Disability Card u l-ugwaljanza u l-inklużjoni, jitkellmu waħedom u ma għandhomx bżonn daqq ta’ trombi.”
Dwar l-awtonomija tal-ġisem u d-drittijiet tas-saħħa sesswali u riproduttivi tan-nisa kollha, inkluż dawk ta’ nisa b’diżabilità, inħeġġeġ lit-tobba kontra l-għażla biex jibbażaw l-argumenti tagħhom fuq ix-xjenza, l-istqarrijiet u l-kredibilità tal-Għaqda Dinjija tas-Saħħa dwar dan is-suġġett.
