It-tkabbir ekonomiku f’Għawdex fl-2015 kien għaxar darbiet iktar minn dak irreġistrat fl-2012, l-aħħar sena sħiħa ta’ amministrazzjoni Nazzjonalista.
Dan jirriżulta minn statistika tal-Uffiċċju Nazzjonali tal-Istatistika.
Filwaqt li s-sena li għaddiet il-Prodott Domestiku Gross f’Għawdex żdied b’€35 miljun, fl-2012 żdied biss bi €3.5 miljun.
Dan ifisser li kuntrarju għal dak li kien isir fl-imgħoddi, bħala perċentwal it-tkabbir fil-Prodott Domestiku Gross qed jilħaq u saħansita jaqbeż dak ta’ Malta. Anke jekk dak ta’ Malta laħaq livelli rekord.
Fl-2015 Għawdex kellu tkabbir fil-Prodott Domestiku Gross ta’ 9.6%.
