It-Tiratur Gianluca Chetcuti huwa l-ewwel atleta malti konfermat għal-Logħob Olimpiku ta’ Pariġi

It-tiratur Gianluca Chetcuti huwa l-ewwel atleta malti li kkonferma postu fil-kontinġent malti għal-Logħob Olimpiku ta’ Pariġi tas-sajf li ġej.

Chetcuti intgħażel permezz tal- ‘Universality Places’ assenjat mill- Olympic Games Tripartite Commission tal-Logħob Olimpiku, li għandu diskrezzjoni unika fuq l-għażla tal-atleta. L-għażla hija bbażata fuq l-esperjenza kompetittiva internazzjonali tal-atleta, il-livell tekniku tiegħu u l-parteċipazzjoni fl-avvenimenti rilevanti ta’ kwalifikazzjoni.

Chetcuti għal ftit tilef il-kwalifika diretta meta fil-Kampjonati Olimpiċi ta’ Kwalifikazzjoni li saru f’Doha spiċċa fir-4 post. Bħalissa huwa kklassifikat fit-68 fid-dinja.