It-timijiet nazzjonali tal-Blackball jinsabu waslu fil-belt ta’ Bridlington sabiex jieħdu sehem fit-Tazza tan-Nazzjonijiet 2024. B’kollox hemm sitt timijiet nazzjonali li se jkunu qed jipparteċipaw f’kategoriji differenti għalkemm fl-ewwel 12-il ġurnata l-kompetizzjoni hi riservata għat-timijiet tal-kbar biż-żgħażagħ li jidħlu fl-azzjoni aktar tard dan ix-xahar.
It-tim tal-Men’s A hu magħmul minn Johan Attard, Claudio Cassar, Leon Azzopardi, Clint Azzopardi, Mevrick Zammit, Miguel Amato u Scott Micallef bil-kowċ li hu Clevion Micallef,
It-tim tal-Men’s B hu kompost minn Wayne Pace, Miguel Mizzi, Darren Schembri, Alessio Magro, Lydan Debono, Philip Coleiro, Lee Ryan Darmanin u Clayton Castaldi bil-kowċ hu Philip Gatt.
It-tim ta’ ‘l fuq minn 40 sena hu mmexxi minn Malcolm Parnis u l-plejers li se jipparteċipaw huma Rudolph Gellel, Antoine Schembri, Chris Tabone, Lee Grima, Joseph Tabone u Kevin Schembri.
Finalment it-tim ta’ ‘l fuq minn 50 sena hu mmexxi minn Christopher Busuttil bit-tim li għandu lil Jason Mangion, Jesmond Schembri, Antoine Aquilina, Michel Curmi, Johan Grixti u Conrad Catania.
Illum it-timijiet Maltin ikunu fl-azzjoni mill-ħdax u nofs ‘l quddiem ħin lokali b’dawn il-logħbiet:
11:30 – Malta Men’s B vs Wales B2
13:45 – Malta Seniors vs Irlanda ta’ Fuq
13:45 – Malta Masters vs Awstralja
16:00 – Malta Men’s B vs Irlanda ta’ Fuq B
18:15 – Malta Men’s A vs Ġibilta’
18:15 – Malta Seniors vs L-Afrika t’Isfel
20:30 – Malta Masters vs Irlanda ta’ Fuq
22:45 – Malta Men’s A vs Irlanda ta’ Fuq
22:45 – Malta Men’s B vs Ingilterra B
B’kollox se jkun hemm 12-il pajjiż li se jieħdu sehem f’dan it-tournament prestiġġjuż bi 850 plejers maqsuma f’128 tim li se jilagħbu fl-40 mejda għad-disposizzjoni fi Bridlington Spa Arena li hi kkunsidrata bħala t-tempju tal-biljard fuq livell mondjali.
