It-timijiet nazzjonali Maltin tal-golf temmew l-impenji tagħhom fil-European Team Shield Championship li saru f’Liechtenstein.
It-tim tan-nisa magħmul minn Filippa Schulze Doering, Laya Cristina, Elliana Buhagiar u Serena Falzon Manduca temm fil-ħames post minn 11-il pajjiż wara rebħiet tajba li kellhom kontra l-Ukrajna u l-Ungerija. Fl-ewwel post ta’ din il-kategorija spiċċaw it-Turkija.
REKLAM
SKROLLJA BIEX TKOMPLI
Min-naħa tagħhom, it-tim tal-irġiel magħmul minn Andrew Borg, Laurens Schulze Doering, Oliver Stuart u Trent Vella temm fis-sitt post minn 12-il pajjiż. Minkejja li tilfu kontra l-Albanija, kienet determinanti r-rebħa kontra s-Serbja sabiex ħadu s-sitt pożizzjoni. It-Turkija għamlu doppjetta ta’ suċċessi meta rebħu wkoll din il-kategorija.
