Illejla, quddiem folla sabiħa fit-Tony Bezzina Stadium f’Raħal Ġdid, it-tim tan-nisa Ingliż ta’ Manchester United rebaħ bl-iskor ta’ 2-1 kontra t-tim Olandiż tan-nisa ta’ PSV.
Kien it-tim Olandiż li mar fil-vantaġġ fit-23 minuta, b’gowl skurjat minn Joelle Smits.
Fit-33 minuta, it-tim tan-nisa ta’ Manchester United ġabu l-gowl tad-draw, li kien skurjat minn Jayde Riviere, li skurjat l-ewwel gowl tagħha għat-tim Ingliż.
L-ewwel taqsima spiċċat f’parita ta’ 1-1.
Imbagħad fit-tieni taqsima, it-tim tan-nisa ta’ Manchester United kienu aktar fuq l-offensiva.
Wara bosta ċansijiet, kien propjament fid-93 minuta, meta r-Red Devils mar fil-vantaġġ.
Dan il-gowl tar-rebħa kien skurjat minn Nikita Parris.
F’din il-logħba fost l-oħrajn lagħbet il-gowlkeeper ta’ Manchester United u tat-tim nazzjonali Ingliż, Mary Earps, li x-xahar li għadda rebħet il-BBC Sports Personality of the Year għas-sena 2023 u hija meqjusa fost l-aqwa gowlkeepers nisa ta’ bħalissa.
It-training camp tat-tim tan-nisa ta’ Manchester United f’pajjiżna se jibqa’ sat-8 ta’ Jannar li ġej.
Ritratti: Manchester United
