It-tim popolari ta Mr. Whippy jinsab f’Santa Pod permezz taż-żewġ sewwieqa tiegħu, Matthew Carabott u Monty Bugeja. It-tim vjaġġa lejn l-Ingilterra immedjatament wara it-tieni round ta l-Enemed Drag Racing Championship li sar bejn il-Ġimgħa 3 u il-Ħadd 5 ta Mejju fit-trakka tal Malta Drag Racing Association, f’Ħal Far.
Iż-żewġ sewwieqa ser jkunu impenjati u għandhom skop differenti. Fil-każ ta Matthew Carabott ser jagħmel minn kollox sabiex il-Ħamis 23 ta Mejju jġib il-licenzja li biha jkun jista jsuq id-dragster Top Alcohol tat-tim f’avvenimenti internazzjonali. Monty Bugeja bl-istess Top Alcohol Dragster ser jkun qiegħed jikkompeti fil-Main Event li huwa l-ewwel round tal-kampjonat Ewropew tad-Drag Racing.
It-Tim ta Mr. Whippy permezz tas-sewwieq veteran tiegħu Monty Bugeja, irrapreżenta u ġab suċċessi kbar lejn Malta diversi drabi fil-passat.
