Il-Ġimgħa t-tim Nazzjonali Malti lagħab it-tielet logħba tiegħu fi Grupp D3 tal-UEFA Nations League, logħba diffiċli mill-bidu sal-aħħar għal Malta għajr għal ftit mumenti żgħar, logħba li t-tim Malti tilef 3 – 1.
Kronika tal-partita:-
12 Kosovo Zhegrova fajjar xutt li Andrew Hogg salva tajjeb.
27 Kosovo Xutt minbarra l-kaxxa ta’ Zeneli b’Hogg salva mal-art.
29 Kosovo Zewg minuti biss wara Muriqi rega prova xortih izda l-goalkeeper ta’ Hibernians Hogg ghal darba salva tajjeb.
30 Kosovo Man-nofs siegħa logħob l-avversarji marru fil-vantaġġ. Pass tajjeb ta’ Berisha lejn Korolli li b’xutt fil-baxx għar-rokna tax-xibja għeleb lil Hogg.
36 Kosovo Muriqi kompla jkun ta’ xewka għad-difiża Malti iżda l-konklużjoni tiegħu ġiet salvata minn Hogg.
40 Malta Tasal l-ewwel azzjoni ta’ Malta – Xutt ċentrali ta’ Michael Mifsud li l-gowlkeeper tal-Kosovos salva.
45+ Kosovo Fl-aħħar mumenti tal-ewwel taqsima, l-Kosovo setgħu faċilment skurjaw goal ieħor. L-ewwel laqtu l-lasta permezz ta’ Zhegrova biex ftat tas-sekondi wara Muriqi falla ċans tajjeb minn quddiem Hogg.
HT: 1 – 0
51 Malta Corner ta’ Clayton Failla u Andre Agius b’daqqa ta’ ras mill-viċin għamel l-skor 1 – 1.
60 Malta Mas-siegħa logħob Ray Farrugia wettaq l-ewwel bidla b’Roderick Briffa jidħol jilgħab flok Paul Fenech.
61 Kosovo Azzjoni ta’ corner bid-daqqa ta’ ras ta’ Rrahmani ġiet għal darba oħra salvata minn Hogg.
64 Malta It-tieni sostituzzjoni għal Malta b’Alfred Effiong jidħol jilgħab minflok Andre Schembri.
65 Kosovo L-Kosovo baqgħu jattakkaw għal ftit ma marrux fil-vantaġġ meta Zhegrova laqat il-lasta.
68 Kosovo Tliet minuti wara li laqtu l-lasta, il-Kosovo irnexxilhom jerġgħu jmorru fil-vantaġġ grazzi għal Muriqi li wara li kkontrolla fajjar xutt fuq id-dawra u għeleb lil Hogg ghal 2 – 1.
69 Malta L-Affarijiet komplew jiġu ħażin għal Malta hekk kif Michael mifsud rċieva t-tieni karta safra.
78 Malta Xutt ta’ Rashika ġie mdawwar f’corner minn Hogg.
81 Kosovo Il-Kosovo jiskurjaw it-tielet u l-aħħar goal tagħhom fil-logħba grazzi Kololli.
84 Malta Sitt minuti mit-tmiem Farrugia wettaq it-tielet u l-aħħar bidla fejn Steve Pisani dahal jilghab minflok Rowen Muscat.
Skor Finali: Kosovo 3 – 1 Malta
