It-tieni edizzjoni ta’ ‘Stilel Taħt il-Kampnar’ se tibni fuq s-suċċess miksub is-sena l-oħra 

Nhar il-Ġimgħa 18 ta’ Ottubru fis-7pm se ssir it-tieni edizzjoni tal-attività kulturali ‘Stilel Taħt il-Kampnar’ fil-Pjazza tal-Imqabba.

Il-mużika se tgħaqqad flimkien it-talent lokali, flimkien mal-għaqdiet u s-soċjetajiet tar-raħal li tiċċelebra l-kultura u l-komunità tal-Imqabba.

F’din l-attività se jieħdu sehem il-kantanti lokali Ivan Grech, Gaia Cauchi u Lapes.

Din l-edizzjoni se tgħaqqad flimkien spettaklu ta’ mużika, dwal u proġezzjonijiet sinkronizzati.

Preżenti għat-tnedija ta’ ‘Stilel Taħt il-Kampnar’ kien hemm il-Ministru għall-Kultura Owen Bonnici u s-Sindku tal-Imqabba Marie Grace Zerafa.