Il-plejer tat-tennis taljan Jannik Sinner se jkun in-numru 1 tad-dinja hekk kif nhar it-Tnejn jitħabbru r-rankings ġodda ATP.
Sinner li għandu 22 sena se jkun l-ewwel taljan li qatt wasal san-numru 1. Dik ta’ nhar it-Tnejn għalhekk se tkun ġurnata storika għax-xena tat-tennis fl-Italja.
REKLAM
SKROLLJA BIEX TKOMPLI
Il-bidla fl-ewwel post tar-rankings ATP seħħet wara li s-serb Novak Djokovic irtira mill-Open ta’ Franza minħabba prblemi f’irkopptu. Sinner sar jaf bl-aħbar fi tmiem il-logħba mill-istess Open ta’ Franza kontra Grigor Dimitrov, logħba li rebaħ fi straight sets.
L-2024 tidher li se tkun sena memorabbli għalih. Sena li bdiha fin-numru 4, rebaħ l-ewwel Grand Slam tas-sena fl-Awstralja u f’April li għadda tela’ fit-tieni post tar-rankings tad-dinja.
