Mara residenti s-Swieqi dalgħodu sabet il-karozza tagħha vvandalizzata fi Triq il-Qantar, is-Swieqi. Il-Pulizija qalet li t-tiri ma sarux minn arma tan-nar iżda minn ‘air gun’ jiġifieri pistola li tispara ċ-ċomb.
Il-karozza tal-mara kienet ipparkjata f’għalqa li tintuża bħala parkeġġ. Ir-rapport sar lil Pulizija dalgħodu għall-ħabta tas-7.30, hekk kif sabet il-karozza tagħha milquta minn ħames tiri, liema tiri faċilment seta’ jintlaqat minnhom bniedem, bil-konsegwenzi setgħu kienu ħafna agħar.
Il-pulizija għaddejja bl-investigazzjoni tagħha dwar dan il-każ.
Ritratt: TVM
