L-MCAST nediet korsijiet onlajn, f’aktar minn 200 suġġett differenti fosthom l-ICT, servizzi fil-komunitá u arti kreattiva. Dawn il-korsijiet se jkunu bla ħlas u jista’ jsegwihom kull min hu interessat li jżid l-għarfien tiegħu f’suġġett partikolari.
Dawn il-korsijiet se jkunu aċċessibbli fiż-żmien li ġej u l-għan tagħhom huwa li jattirraw persuni li diġa’ għandhom impjieg iżda jixtiequ li jkollhom aktar ħiliet fil-karriera tagħhom jew f’setturi differenti. Permezz ta’ dawn il-korsijiet dawn il-persuni jistgħu ikomplu l-istudju tagħhom mill-kumdità tad-dar u ma jkollhomx għalfejn ikunu preżenti fil-klassi.
Aktar dettalji dwar dawn il-korsijiet tistgħu isibuhom fuq is-sit tal-MCAST.
