Zdenjik Tabone u Ilona Demarco huma żewġ Maltin li bħalissa jinsabu fi btala ġewwa Bali u li lbieraħ esperjenzaw terremot qawwi ta’ skala 5.7 waqt li kienu f’Seminyak.
Zdenjik u Ilona jirrakontaw ma’ One News kif filgħodu stenbħu b’theżżiż qawwi tal-ħġieġ u amara f’kamrathom u li ma rrealizzawx mal-ewwel x’kien qed jiġri sakemm skoprew li hu terremot.
Ilona tkompli tirrakonta kif f’daqqa waħda semgħu paniku kbir u għajjat madwar il-lukanda u li ħarġu jiġru barra mal-kumplament tan-nies, iżda fortunatament ħadd ma weġġa’ u lanqas kien hemm ħsarat enormi.
