L-Awtorità Maltija tat-Turiżmu informat lill-pubbliku li se tkun qed issir żona adegwata għal persuni b’diżabilità fl-Isle of Mtv. Il-kunċert li se jkun qed isir fuq il-Fosos tal-Furjana fis-27 ta’ Ġunju.
Din iż-żona se tkun tista’ tilqa’ fiha total ta’ 50 persuna. Il-biljetti jistgħu jiġu ibbukkjati billi jintbagħat e-mail fuq info@visitmalta.com. Wieħed jista’ ukoll iċempel fuq 22915561. Il-biljetti riservati jistgħu jinġabru biss jekk wieħed jippreżenta l-Blue Badge u l-karta tal-identità.
Il-biljett se jkun qed jingħata lil persuna li għandha blue badge u persuna oħra li tkun qed takkumpanja.
L-entratura għal persuni b’diżabilità se tkun fejn il-Monument tal-Indipendenza.
