Fi tmiem il-ġimgħa li għaddiet, sar l-ewwel rawnd tal-kampjonati nazzjonali tat-Table Football għas-staġun 2024/25.
Fil-kampjonat Premier iddomina iċ-ċhampion renjanti Samuel Bartolo li temm l-ewwel rawnd fl-ewwel posizzjoni b’ seba punti vantaġġ fuq l-eqreb rivali tiegħu. Bartolo hu segwit fil-klassifika minn Mark Gauci u Jurgen Balzan fit-tieni u tielet post rispettivament.
Fil-kampjonat tal-ewwel diviżjoni, Massimo Cremona kien fi’ klassi għalih hekk kif rebaħ il-logħbiet kollha tal-ewwel rawnd u assikura l-ewwek post. Cremona hu segwit fil-klassifika minn Mauro Camilleri u Spencer Conti rispettivament.
L-appuntament li jmiss għall-atleti Maltin ser ikun il-‘Major’ ta’ Pariġi li jintlagħab fi’ tmiem il-ġimgħa.
Il-parteċipazzjoni tal-atleti Maltin tkompli tkun possibbli grazzi għall-għajnuna ta’ SportMalta u l-Kumitat Olimpiku Malti.
