Isibu kelb mejjet marbut ma’ trolley f’nofs ta’ baħar

Persuni li kienu qed iqattgħu xi ħin ibaħħru bid-dgħajsa tagħhom nhar il-Ħadd, iltaqgħu ma’ xena mhux tas-soltu.

Dan hekk kif waqt li kienu għaddejjin bid-dgħajsa, innotaw xi ħaġa f’wiċċ l-ilma, fejn meta resqu aktar fil-qrib, indunaw li kien kelb.

Il-kelb, li kien mejjet, kien marbut ma’ trolley ħadra li tintuża fi ħwienet tal-ikel bi ħbula u mqabbad magħha b’ċertu mod. Jidher li l-kelb huwa tar=razza pit bull.

Min għamel din is-sejba spjega kif din is-sejba għamluha tliet mili ‘l bogħod mill-kosta u kif kienet xena ta’ qsim il-qalb u waħda li sejħulha ‘brutali.’

Mhux magħruf jekk il-kelb twaddabx fil-baħar mejjet jew jekk ġiex mgħerreq.